Certified (2)

အသိအမှတ်ပြုဖို့ဆိုတာ အပိုင်း(၂)


       ပြီးခဲ့တဲ့အပိုင်းက မိမိအကြောင်း၊ မိမိတို့လုပ်ငန်းအကြောင်းကို မိမိတို့ကိုယ်တိုင် ပြောတာထက် မိမိတို့အကြောင်းကို မိမိတို့မဟုတ်သော အခြားအဖွဲ့အစည်း (Third Party Organization) မှ ပြောတာကောင်းကြောင်း၊ သို့မှသာ အများ၏အသိအမှတ် ပြုမှုခံရမည်ဖြစ်ကြောင်းကို ဖော်ပြခဲ့ပါတယ်။ ဒီအပိုင်း(၂)မှာကတော့ အများအသိအမှတ် ပြုဖို့ မိမိဘက်မှပြင်ဆင်ရမည့်အချက်များကို ဖော်ပြသွားမှာဖြစ်ပါတယ်။

       ပထမဆုံးပြင်ဆင်ရမှာက ရွေးချယ်မှုပါ။ မိမိဘဝမှာ မိမိဘာဖြစ်ချင်သလဲဆိုတာနဲ့ စတင်ရမှာ ဖြစ်ပါတယ်။ ကလေးဘဝမှာ မိဘများ၊ ဆွေမျိုးများ၊ လူကြီးများ မေးတတ်ကြသော မေးခွန်းပေါ့။ ကြီးလာရင် ဘာလုပ်မှာလဲဆိုတာ။

       သိပ်ကို အရေးကြီးလှပါတယ်။ ဒီမေးခွန်းကို လွယ်လွယ်နဲ့မဖြေမိပါစေနဲ့။ ငယ်ငယ်က ကိုယ်စီဖြေခဲ့ဘူးပေမယ့် အခု ဒီစာဖတ်နေတဲ့အချိန်မှာတော့ သေသေချာချာ ပြန်တွေးပြီးတော့မှ မိမိကိုယ်ကိုဖြေစေချင်တာ စာရေးသူရဲ့ဆန္ဒပါ။

       ဒါဆို ဘာလိုလဲဆိုတော့ Computer မှာဆို Result ရဖို့ Data ကို Instruction ပေးပြီးတော့ Process လုပ်ရပါတယ်။ ဒီသဘောတရားအတိုင်းပါပဲ လူ့လောကမှာ မိမိတို့ ပန်းတိုင်ဆိုတဲ့ (Result)ရဖို့ အရေးကြီးတဲ့Data  တွေကို စုဆောင်းတတ်ဖို့ လွန်စွာမှအရေးကြီးလှပါတယ်။ ရလာတဲ့အချက်အလက်ကို စနစ်တကျ စုဆောင်းဖို့ အချက်အလက်တွေထဲမှ ဘယ်အချက်တွေဟာ မိမိတို့နဲ့ကိုက်ညီမှုရှိတယ် ဆိုတာကို ခွဲခြားနိုင်မှုဆိုတာ ပညာလိုပါတယ်။ ပညာဆိုတာ ဘာလဲ၊ ပညာဆိုတာ ပ(အသေးစိတ်) ညာ(ခွဲခြားနိုင်ခြင်း)။ လူ့လောကရဲ့ ဖြတ်သန်းမှုတိုင်းမှာ အရေးကိစ္စ ကြီးငယ်ကို ခွဲခြားနိုင်သောပညာ မရှိလျှင် အဆိုးအကောင်းကို သင်ဘယ်လိုခွဲခြားမလဲ။

       ဒါဆို ဦးစွာ စုဆောင်းပြီးသော အချက်အလက်တွေကို ဝေဖန်ခွဲခြားပြီးလျှင် မိမိဘက်မှ လည်ပတ်နိုင်အောင် စမသခနျငညါ  အလုပ်ကို လုပ်ဆောင်ရမှာဖြစ်ပါတယ်။ ဒီနေရာမှာ မိမိတို့ရဲ့ ပညာ၏လေးနက်မှုက အရေးကြီးလှပါတယ်။ ဆိုလိုတာက ဘွဲ့တစ်ခုအတွက်၊ လက်မှတ်တစ်စောင်အတွက်၊ ဓါတ်ပုံတစ်ပုံအတွက် သင်ကြားနေသော အရာကို ဆိုလိုတာမဟုတ်။ ဒီနေ့ အများပြောနေတဲ့ ဘဝတစ်သက်တာ ပညာသင်ယူမှု (Life Long Learning) ကို ဆိုလိုခြင်း ဖြစ်ပါတယ်။ လူအများက သိကြပါတယ်။ လက်တွေ့လုပ်ရန် ခက်ခဲတတ်ကြတယ်။ အဓိက မိမိကိုယ်ကို မိမိထိန်းနိုင်ဖို့လိုပါတယ်။ သင်ယူတဲ့သူတွေ ပြင်ဆင်ဖို့ အရေးကြီးသလို သင်ကြားမည့်သူတွေဘက်မှလည်း ဖိတ်ခေါ်မှုက အရေးကြီးလှပါတယ်။

       ဒါကြောင့် ကမ္ဘာ့ဆရာများနေ့ရဲ့ စာသားလေးအတိုင်း လူ့အဖွဲ့အစည်း စဉ်ဆက် မပြတ်တိုးတက်ရေး ဆရာ့စွမ်းအင်မြှင့်တင်ပေး (Empowering Teachers, Building Sustainable Societies)  ဆိုသည့်အတိုင်း ပြင်ဆင်ရမှာဖြစ်ပါတယ်။ ဆရာများရဲ့စွမ်းဆောင်ရည်ကို အစဉ်အမြဲ မြှင့်တင်ဖို့ရှိရမှာဖြစ်ပြီး မိမိတို့ဘက်မှလည်း တိုးတက်နေသော ခေတ်ထဲတွင် အိပ်ပျော်ပြီး မကျန်ခဲ့ဖို့လိုပါတယ်။ အိပ်ပျော်ပြီးနေပါက အသေအချာကျန်ခဲ့မှာမလွဲပါ။ မိမိတို့အများဆုံး ဖြစ်တတ်သည့်သဘောကတော့ အများ ရွေးချယ်တာကိုအကောင်းထင်ပြီး လိုက်လုပ်တတ်တာ လူအများရဲ့အကျင့်ရှိတတ်ပါတယ်။ ဒီအချက်ကိုတော့ရှောင်ဖို့အရေးကြီးပါတယ်။ အများကောင်းတိုင်း မိမိတို့ကောင်းမည်ဟု ထင်ကြသူများဟာ မစဉ်းစားသောအကျင့်မှ ဆင်းသက်လာသောသူများသာ ဖြစ်ကြပါ တယ်။ လူသားတွေရဲ့ ကြီးမားသောစွမ်းရည်များစွာထဲမှ တစ်ခုကတော့ စဉ်းစားရွေးချယ် နိုင်မှုပါ။ ဒီအချက်ကိုအသုံးချရမှာဖြစ်ပါတယ်။ ရွေးချယ်တဲ့နေရာမှာ ရောက်နေသော ဖြတ်သန်းနေရသောခေတ်ကို မမေ့ဖို့လိုပါတယ်။ ဒီနေရာမှာ ရွေးချယ်မှုတွေရဲ့သဘော တရားကို နားလည်ရပါမယ်။ မိမိရဲ့ရွေးချယ်မှုမှာ ရေတိုနဲ့ရေရှည်ကိုယှဉ်ရင် ရေရှည်ရှိ သည့်အရာကို ရွေးချယ်ရမှာဖြစ်ပြီး လူအများနဲ့အနည်းအတွက် အကျိုးရှိမှုမှာလည်း လူအများအတွက်ဆိုတဲ့ အချက်အလက်တွေကို ထည့်သွင်းစဉ်းစားရမှာဖြစ်ပြီး ရွေးချယ် ရမှာ ဖြစ်ပါတယ်။

       ဒီအချက်တွေကတော့ ရွေးချယ်မှုနေရာမှာ ပါဝင်ရမည့် အချက်တွေပဲဖြစ်ပါတယ်။ မိမိကို အသိအမှတ်ပြုခြင်းခံရဖို့ ဦးစွာမိမိရွေးချယ်မည့်လမ်းကြောင်းကို မိမိဘက်မှ စိတ်ကြိုက်ရွေးချယ်ပြီး သူ့ရဲ့တန်ဖိုးကို လေးစားရမှာဖြစ်ပါတယ်။ သို့မှသာ တခြား သူများ အသိအမှတ်မပြုခင် ဦးစွာ မိမိဘက်မှ အသိအမှတ်ပြုရမှာဖြစ်ပါတယ်။ မိမိရွေးချယ်သောလမ်းကြောင်းကို မိမိကိုယ်တိုင် အသိအမှတ်မပြုပါက အများမှ အသိ အမှတ်ပြုမှုကို မမျှော်လင့်ပါနဲ့။ မိမိအနေဖြင့် အသိအမှတ်ပြုခြင်းခံရဖို့ ရှုထောင့်ပေါင်းစုံ မြင်ကွင်းပေါင်းစုံ ရှိတဲ့အထဲကမှ ယနေ့ခေတ်မှာIT (Information Technology) ရှုထောင့်မှ မြင်ကြပါစို့။

       ယနေ့ခေတ်ကာလသည် ရွေးချယ်နိုင်စရာ တော်တော်များသော ခေတ်ကာလဖြစ် ပါတယ်။ အများစုအနေဖြင့် Computer  တတ်တယ်လို့ပြောလိုက်တိုင်း အကုန်ရမည် ဟု ထင်မြင်ကြသူ များလှပါတယ်။ တကယ်လက်တွေ့တွင် Computer  ပညာရပ်၌ သူနေရာနှင့်သူ ကျွမ်းကျင်ရမည့် ပညာရပ်တွေများစွာရှိကြပါတယ်။ လူသားတိုင်း ကမ္ဘာပေါ်မှ ပညာရပ်ပေါင်း သိန်းချီ တတ်မြောက်နိုင်ဖို့ မဖြစ်နိုင်သလို Computer  ပညာရပ်တိုင်းကို ကျွမ်းကျင်ဖို့ဆိုတာ ခက်ခဲလှပါတယ်။ နက်ရှိုင်းလှပါတယ်။ သို့သော် ပညာရှင်တစ်ဦးအနေဖြင့် မိမိလေ့လာမှု၊ စဉ်းစားမှု၊ နည်းစနစ်မှန်ကန်မှုပေါ်မူတည်ပြီး ချိတ်ဆက်တွေးခေါ်နားလည်နိုင်သည့် (Concept) ကိုတော့ရရှိနိုင်မှာ ဖြစ်ပါတယ်။ Computer ပညာရပ်ကို စတင်လေ့လာသည့်အချိန်မှစပြီး စဉ်ဆက်မပြတ်လေ့လာ သူတိုင်း လုပ်ဆောင်ရမည့်အလုပ်မှာ စာတွေ့နှင့်လက်တွေ့ကို မျက်ခြေမပျက်ဖို့ လိုပါတယ်။ သို့မှသာ ယနေ့ခေတ်ကာလ၏ ရွေ့လျားမှုကို သိရှိနိုင်မှာဖြစ်ပါတယ်။ မိမိတို့ ရွေးချယ်ထားသောလမ်းကြောင်းသည် ဘယ်သို့ရောက်နေပြီ၊ ရှေ့ဆက်ဘယ်သွား နေပြီဆိုတာကိုသိရှိပြီး မိမိဘက်မှ ကြိုတင်ပြင်ဆင်ထားရမှာဖြစ်ပါတယ်။ မိမိရွေးချယ် ထားသောလမ်းကြောင်းကို ခိုင်မာစွာတည်ဆောက်ရင်း လိုအပ်မည့်အရာများကို အချိန်နှင့် တပြေးညီ ဖြည့်ဆည်းရမှုကို မိမိတို့ တပါတည်းလုပ်ဆောင်သွားရမှာ ဖြစ်ပါတယ်။ ဒီနေရာမှာ ရွေးချယ်မှုအပိုင်း၌ လူစိတ်သဘောအရ ပြောင်းလဲတတ်တာမှန်ပေမယ့် အချိန်အခါတိုင်း ပြောင်းလဲမှုလုပ်ပါက လိုတဲ့ပန်းတိုင် မရောက်နိုင်တာကို အထူး သတိထားရှိရမှာပါ။

       မိမိစိတ်ကြိုက်ရွေးချယ်ထားသော ပညာရပ်ကို လေးစားတန်ဖိုးထားသလို အခြား သူတွေရဲ့ ရွေးချယ်ထားသော ပညာရပ်တွေကိုလည်း လေးစားမှုရှိရမည်မှာ ပညာရှိတို့၏ ကျင့်ဝတ် ဖြစ်ပါတယ်။ အသိအမှတ်ပြုခြင်းဆိုတာ တန်ဖိုးတစ်ခုကို ပြသနိုင်လို့ တန်ဖိုးရဲ့ တန်ပြန်ရရှိတဲ့ အကျိုးတစ်ခုပါ။ မိမိဘက်မှ တန်ဖိုးတစ်ခု မပြသနိုင်ပါက တန်ပြန်ရရှိမည့်အကျိုးကိုလည်း မရရှိနိုင်ပါ။ ရွေးချယ်တဲ့နေရာမှာ မိမိရွေးချယ်တဲ့ လမ်းကြောင်းကြီးမားသလောက် ပေးဆပ်မှုကလည်း ကြီးကြီးမားမားပေးဆပ်ရပါမယ်။ သို့မှသာ အကျိုးကလည်း များများစားစားခံစားရမည်မှာ မလွှဲပါ။ ရွေးချယ်တဲ့နေရာမှာ မိမိရွေးချယ်တဲ့လမ်းကြောင်းရဲ့ ခိုင်မာမှုကို ထည့်စဉ်းစားရမည်မှာ လွန်စွာအရေးကြီးလှ ပါတယ်။

       မိမိရွေးချယ်မည့်လမ်းကြောင်း၏ခိုင်မာမှုအပိုင်းကို အချိန်ကာလဆိုသည့်ပေတံဖြင့် တိုင်းတာတတ်ကြပါတယ်။ အချိန်ကာလကြာမြင့်စွာ ရပ်တည်နိုင်မှုသည် လွန်စွာမှ အရေးကြီးလှပါသည်။ အချိန်ကာလအပြင် ထည့်သွင်းစဉ်းစားရမည့်အရာများလည်း ရှိပါ တယ်။ လုပ်ငန်းအတွက် ဦးဆောင်မှု၊ စီမံထားရှိမှု၊ ပြင်ဆင်မှု စတာတွေကိုလည်း ရွေးချယ်တဲ့လမ်းကြောင်းမှာ ထည့်စဉ်းစားရမှာ ဖြစ်ပါတယ်။

       စတင်လေ့လာသူတစ်ဦးအနေဖြင့် ရွေးချယ်မှု မပြုလုပ်ခင်မှာ ရသမျှ Data တွေ စုဆောင်းပါ။ အချိန်ကာလတစ်ခုဖြတ်သန်းပြီးမှ ရွေးချယ်မှုကို ပြတ်သားစွာချမှတ်ပါ။ ရွေးချယ်မှုအပိုင်း ပြီးမြောက်သွားပါက မောင်းနှင်မှု(Drive) နည်းပညာလောကမှာတော့ Processing  အပိုင်းကို ရှေ့ဆက်ရမှာဖြစ်ပါတယ်။

       ရှေ့တစ်ပါတ်မှာတော့ မိမိတို့ စိတ်ကြိုက်ရွေးချယ်ထားသော လမ်းကြောင်းကို ရောက်ဖို့ မောင်းနှင်ကြပါစို့။

ဆရာဇာနည် (MCT)